काठमाडौँ, १७ असोज । वर्षा र सहकालको देवता रातो मछिन्द्रनाथको सबैभन्दा महत्वपूर्ण मानिने भोटो देखाउने जात्राका लागि साइत हेर्ने तयारी भइरहेको छ ।
शनिबार बिहान महिलाको मात्र सहभागितामा रथजात्रा सम्पन्न भएपछि भोटो देखाउनका लागि तयारी भइरहेको पुजारी विनोद बज्राचार्यले जानकारी दिनुभयो ।
पुजारी बज्राचार्यका अनुसार आगामी २१ गतेसम्ममा साइत हेर्ने काम सकी कुन दिन भोटो देखाउने निश्चित गरिनेछ । भोटो देखाउने दिनको यकिन भएपछि हाल ठटीटोलमा रहेको रथलाई जावलाखेल पु¥याई राष्ट्रप्रमुखको प्रमुख आतिथ्यमा भोटो देखाइनेछ । अहिले रथलाई पानेजुहरुले दैनिक गर्दै आएको नियमित पूजा मात्रै गरिरहेका छन् ।
यस वर्ष १२ वर्षको रथजात्रा भएकाले यस जात्रालाई विशेष जात्राका रुपमा लिने गरिएको छ । हरेक वर्ष जावलाखेलमा मात्र भोटो देखाउने गरिएको भएपनि यस वर्ष १२ वर्षको मेला परेकाले जावलाखेल र बुङ्मती गरी दुई स्थानमा भोटो देखाइनेछ ।
केही समयअघि नै रथजात्रा सकिनुपर्ने भएपनि गत वैशाख १२ गते गएको भूकम्पका कारण तीन महिना रथजात्रा स्थगित भई गत असोज ५ गतेदेखि पुनः दोस्रोपटक जात्रा सुरु भएको हो । रासस
0 comments:
Post a Comment