सप्तरी, १७ असोज । गोप्य सूचनाका आधारमा जिल्ला प्रहरी कार्यालय सप्तरीबाट खटिएको प्रहरी टोलीले राजविराजको सिरहारोडबाट आज साँझ ट्रकसहित सुपारी बरामद गरेको छ ।
राजविराजको सिरहा रोड हँुदै छिमेकी राष्ट्र भारततर्फ को १ख३३५४ नम्बरको ट्रकमा चार हजार ३०९ केजी सुपारी र १२० केजी अलैँची अवैध रुपमा लोड गरी लगिँदै गर्दा प्रहरीले पक्राउ गरेको बताइएको छ ।
साथै ट्रक चालक इसरलाल सरदारसमेत पक्राउ परेको जिल्ला प्रहरी कार्यालय सप्तरीका प्रहरी नायब उपरीक्षक नारायणप्रसाद चिमोरियाले बताउनुभयो ।
बरामद गरिएको समान र ट्रक तथा ट्रक चालक सरदारलाई अनुसन्धानका लागि पूर्वाञ्चल क्षेत्रीय राजस्व कार्यालय इटहरी पठाइएको प्रहरीले जनाएको छ । रासस
0 comments:
Post a Comment