दैलेख, १७ असोज । खोला र कुवाको पानीमा निर्भर सल्लेरी–डाँडागाउँका–२९ धरधुरी खानेपानी आयोजना सम्पन्न भई टोलटोलमा नयाँ धारा बनाइएसँगै खुसी भएका छन् ।
खोलाको दूषित पानी र लामो समय लगाएर पानी लिनुपर्ने बाध्यता रहेको डाँडागाउँका स्थानीय गरिबी निवारण कोष नेपालको सहयोग र सामाजिक सेवा केन्द्र (सोसेक)को सहजीकरणमा एकीकृत सामुदायिक विकास परियोजननाअन्तर्गत देउली खानेपानी आयोजना निर्माण सम्पन्न भएपछि खानेपानी समस्या हटेको हो ।
“दुई घण्टासम्म लगाएर खोलाबाट दूषित पानी ल्याएर खानुपर्ने बाध्यता थियो, अहिले घरघरमै सफा पानी आएको छ, समयको बचतसँगै र स्वास्थ्य पनि राम्रो भएको छ ।”– जनसेवा सामुदायिक संस्थाका सचिव कृष्णबहादुर चन्दले भन्नुभयो ।
उक्त आयोजना निर्माणका लागि गरिबी निवारण कोषबाट रु ११ लाख ३३ हजार ७४५ र सामुदायिक श्रमदानबाट रु तीन लाख, १८ हजार १५० र गाविसबाट रु ५० हजार सहयोग प्राप्त भएको थियो । रासस
0 comments:
Post a Comment