दाङ, १७ असोज । नेपाल संस्कृत विश्विद्यालयका उपकुलपति प्राध्यापक डा कुलप्रसाद कोइरालाले वार्ता र संवादबाट नेपाल संस्कृत विश्वविद्यालयका विद्यमान समस्यालाई सम्बोधन गर्न विज्ञप्तिमार्फत आग्रह गर्नुभएको छ ।
प्राज्ञिक क्षेत्रलाई बाहुबलको अखडा बनाउन नहुने बताउँदै उहाँले असहमति र असमझदारीलाई हटाउने एउटा मात्रै विकल्प वार्ता र संवाद भएकाले वार्ताका लागि खुल्ला आह्वान गर्नुभयो ।
लामो समयदेखि विश्वविद्यालयको केन्द्रीय कार्यालयमा भएको तालाबन्दीले विश्वविद्यालयका प्राज्ञिक, शैक्षिक, आर्थिक तथा प्रशासनिक सबै कार्य अबरुद्ध भएको उल्लेख गर्दै विज्ञप्तिमार्फत सधैँ तालाबन्दी र आन्दोलन मात्रले कुनै पनि समस्याको समाधान नहुने बताउनुभयो ।
तालाबन्दीको विकल्प वार्ता र संवाद मात्रै भएको उल्लेख गर्दै विश्वविद्यालयले आज विज्ञप्ति जारी गरी तालाबन्दीमा संलग्न पक्षसँग वार्ता गर्न विश्वविद्यालयले प्रा प्रेमकुमार आचार्यको संयोजकत्वमा वार्ता समितिसमेत गठन गरेको उल्लेख गरेको छ । रासस
0 comments:
Post a Comment